Фондацијата „Елеуса“ од Струмица во хотелот „Цар Самуил“ во Банско го одржа завршниот настан со кој направи рекапитулар на сработеното во оваа 2024 година.
Преку видео содржини беа презентирани активностите на оваа хуманитарно здружение кое постои скоро три години. За акцијата „Топол оброк за сите“ за најсиромашните сограѓани, благодарение на многубројни компании кои секојдневно се вклучуваат во оваа акција, поделени се 18.000 топли оброци. За хуманитарните 1000 пакети со храна и средства за хигиена за сиромашни семејства, за донаторски акции за помош на болни лица, за хуманитарните концерти, и за неколку едукативно-културни настани кои ги организираше Фондацијата „Елеуса“.
„Исклучително е важно сведоштвото на Фондација „Елеуса“ во ова време кога постојат апсолутно демотивизирани во нештата, особено на оние нешта коишто навистина треба да го бранат и да му дадат збор на нашиот вредносен систем, а тоа е слободата, љубовта, добрината, човечноста. Сведоци сме дека живееме во свет којшто не учи, не воспитува и не обликува сите нас да бидеме своевидни пасивни социопат, заради тоа што живееме во свет на болки и страдања. Овој свет не смирува и учи да не се бунтуваме против болката, против страдањата и против злото на којшто лежи овој свет. Фондација „Елеуса“ токму тоа го прави. Организираше бунт против страдањата, против болката, против злото, против скржавоста, а тоа не го можат луѓе коишто немаат црковен менталитет, заради тоа што единствено Црквата не го лаже човека дека овој свет лежи во зло и дека чекаме свет којшто ќе дојде, кој всушност ќе биде рајски, без болка, без солзи“ – кажа во своето обраќање Викарниот епископ Стобиски г. Јаков.
Настанот беше збогатен со мал концерт на познатите музички групи „Маестро“ и „Љубојна“, а свој настап имаше и струмичката група „Ретроманија“.
Од Фондацијата „Елеуса“ упатија голема благодарност до сите присутни, благодарност за донациите собрани оваа вечер, најавувајќи дека и наредната година ќе продолжат со исто темпо, а главен акцент ќе биде ставен на хуманитарната работа и соработка во давањето помош на жени жртви на семејно насилство.
