Легендата на македонската песна и еден од најдобрите фолк пејачи во Македонија, Перо Христов годинава одбележува 55 години на музичката сцена. И овој голем јубилеј со концерт во својата родна Струмица. Концертот е закажан на 25 ноември (понеделник) на големата сцена во Центарот за култура „Антон Панов“ со почеток во 20:00 часот.
Перо Христов ќе ги отпее неговите најголеми хитови: „Во црно вино утеха нема“, „Нема живот Ангелино“, „Заборави ме“, „Една ѕвезда, една солза“, „Не можам љубов да кријам“, „Плачи срце исплачи се“ и уште многу други песни кои беа создадени во неговата 55-годишна кариера. Хитови ќе пеат и неговите колеги и пријатели: Мишко Крстевски, Стојне Николова, Игор Ангелов, Славица Ангелова, Кате Брезева од групата „Соната“, а сите нив ќе ги придружуваат момците од „Класико Бенд“.
Понеделник, 25 ноември | 20:00 часот | Центар за култура – Струмица
