Училиштето „Димитар Влахов“ организираше едукативна работилница – „Хемија и технологија, струка на иднината“

Презентативно – едукативна работилница под мотото „Хемија и технологија, струка на иднината“, професорите од СОУУД ”Димитар Влахов” одржаа во Европската куќа во Струмица.

Професорките од оваа училипте Билјана Бајрактарова, Ленче Серафимова и Невенка Мачукова Лазарова зборуваа за храната и водата како основни важни елементи за живот на човекот.

Преку сензорска анализа, пресметување на енергетска вредност на производи како и определување на квалитет на вода во која учениците активно се вклучија имаа за цел да ја презентираат струката Хемија и технологија и образовните профили Прехранбен техничар, Хемиско лабораториски техничар, Техничар за козметички и хемиски препарати.

Работилницата имаше двојна цел, да се презентира училиштето и Хемиско – технолошката струка, а втората цел беше едукативна. На работилницата учествуваа 25 ученици од сите четири основни училишта во Струмица.

На крајот од работилницата на учениците им беа доделени благодарници за нивното учество во работилницата.

Од училиштето „Димитар Влахов“ најавуваат дека вакви презентации и едукативни работилници ќе организираат и во наредниот период со ученици од струмичкиот регион кои го завршуваат основното образование.