Уапсено 20-годишно момче од Ангелци, со остар предмет нападнал малолетници во Струмица и им ги одзел мобилните

СВР Струмица информира дека синоќа во 01:00 часот по полноќ, полициски службеници од Секторот за внатрешни работи Струмица го лишиле од слобода Д.П.(20) од село Ангелци, струмичко. Тој се сомничи дека синоќа околу 22:20 часот заедно со уште две малолетни лица од струмичко, во Градскиот парк во Струмица физички нападнале тројца малолетници од Струмица и со закана со остар предмет им ги одзеле мобилните телефони.

Од страна на полициски службеници, по добиена судска наредба, бил извршен претрес во домот на Д.П., при што бил пронајден еден од мобилните телефони одземени при извршеното кривично дело.

Утврден е и идентитетот на двајцата малолетници, кои заедно со Д.П. го извршиле кривичното дело и против нив ќе биде поднесен соодветен поднесок согласно Закон за правда на децата.

Д.П. бил задржан во Полициската станица Струмица и во текот на денот ќе биде изведени пред судија на претходна постапка од Основен суд Струмица.