Синоќа околу 20:00 часот на крстосницата од улицата „Ѓорги Василев“ со улиците „Ристо Ќурчиев“ и „Ката Поцкова“ во Струмица се случила сообраќајна незгода помеѓу патничко моторно возило „Фиат Пунто“ со струмички регистарски ознаки, управувано од Т.К.(49) од Струмица и мотоцикл со гевгелиски регистарски ознаки, управуван од Г.П.(40) од Струмица, информираат од струмичката полиција.
Во незгодата со тешки телесни повреди се здобил мотоциклистот, констатирани во болницата во Струмица. Извршен бил увид од увидна екипа од СВР Струмица.
