Сузана Мицева ќе ја промовира книгата за деца „Букварче мое другарче“

Во среда (22 март), поетесата и новинар Сузана Мицева во Центарот за култура во Струмица ќе ја промовира најновата нејзина книга „Букварче мое другарче“ во издание на „Просветно дело“, а наменета за читателите од рано училишна возраст.

Промоцијата е замислена како креативна книжевна работилница со македонската азбука за ученици и наставници од одделенска настава, а ќе се реализира во два термини, во 13:30 часот и вториот во 14:30 часот.

Книгата на Сузана Мицева ќе ја промовира Ана Витанова Рингачева, а специјален гостин на промоцијата ќе биде писателот Киро Донев, додека модератор на ова креативна работилница е Ксенија Маказлиева Трајчева.