Судијката Татјана Малинова нов претседател на Основен Суд Струмица

Судијката Татјана Малинова е именувана за нов претседател на Основен Суд Струмица. Таа доаѓа на местото на досегашниот претседател, Емил Глигоров.

Денеска во Судскиот совет на Република Северна Македонија, судијката Татјана Малинова даде свечена изјава како новоизбрана претседателка на Основен Суд Струмица.

Малинова функцијата претседателка на Основен Суд Струмица ја извршуваше и претходно, во периодот од 2013 до 2017 година. Таа беше судијка по граѓанска материја, директорка на затворот во Струмица и адвокатка.