По објавите на сегашниот и поранешниот директор на КПУ „Затвор Струмица, Зоран Ристов и Владимир Михаиловиќ се огласија и од струмичкото ВМРО-ДПМНЕ.
„Општинскиот Комитет на ВМРО-ДПМНЕ Струмица редовно укажуваше на катастрофално раководење на СДСМ на сите установи и институции. Кадрите на партијата СДСМ со лошиот избор на раководители и директори, ја распаднаа државата, а граѓаните ќе ги паметат и по редица скандали.
Во редот на кадри и раководители спаѓа и Владимир Михаиловиќ кој одредено време беше поставен од СДСМ за директор на КПУ Затвор Струмица. Потсетуваме, дека одредени кадри на СДСМ наскоро треба пред граѓаните и сопартијците да објаснуваат заради што повеќето од институциите во Струмица беа водени слабо и покрај поддршката што ја имаа од својата централна власт.
Во тој ред сосема очекувано одговор се бара и за прашања поврзани со одредени погодности за осуденици, осудени лица во својство на работна рака, одредени набавки во разни институции и слично.
СДСМ е очајна поради длабоката опозиција и поради најавата за есен во која секој ќе мора да даде одговор за своето работење.
Барањето отчет за 10 дневно раководење во таа смисла е смешно.
Некои државни институции во Струмица се оставени речиси пропаднати, а одговорност мора да има.
На СДСМ му претстои катарза, а на членовите на партијата предизвик да расчистат со некои структури наместо да се занимават со банални критики“ – напишаа од ОК на ВМРО-ДПМНЕ Струмица.
