Струмичкото ВМРО-ДПМНЕ реагира на прес конференцијата на Марјан Даскаловски

Од Општинскиот комитет на ВМРО-ДПМНЕ во Струмица по денешната прес конференција на претседателот на Советот на општина Струмица, Марјан Даскаловски кој ја одржа по повод обвинувањата кон него во врска со измените на Програмата за еднакви можности на мажите и жените на општина Струмица за 2023 година, испратија писмена реакција до медиумите во која стои:

„Струмичани ги поразија лошите политики на СДСМ и министерката за труд и социјална политика, Јованка Тренчевска.

На денешната прес конференција Марјан Даскалов од СДСМ триумфот на струмичани, на родителите и на верниците се обиде на крајно интригантен начин да го прикаже како сопствен политички триумф.

Даскаловски и СДСМ Струмица половина година ја кочат одлуката со која се исфрлат родови термини за кои струмичани се изјаснија дека не ги прифаќаат. Но вистинското прашање што треба да го одговори и кое збунува е дали тој ја прифаќа родовата иделогија?

Дали Даскаловски и СДСМ – ОО Струмица ја подржуваат министерката Тренчевска во идејата дека треба да постојат безброј родови за кои нашите деца треба да учат?

Зошто Даскаловски и советничката група на СДСМ беа против амандманот на ВМРО-ДПМНЕ во Советот на општина Струмица за тргнување на термини од родовата идеологија од програмите во основните училишта? Дали СДСМ сметаа дека децата треба да учат за сеопфатно сексуално образование, вклучително и деца од предучилишна возраст?

Манипулациите на СДСМ во Струмица се на самиот крај, а со вакви прес конференции и политички одлуки редно е да заминат во опозиција“ – напишаа од ОК на ВМРО-ДПМНЕ Струмица.