Струмичките пожарникари интервенирале во извлекување на лице од сообраќајка на непристапен терен над брана Турија

Од Противпожарната единица на Струмица информираат дека денеска во 14 часот по барање на Итната медицинска помош интервенирале во извлекување на повредено лице при судир на мотокрос моторцикл и четирицикл над браната Турија, во близина на селото Нивичино.

„Поради непристапниот терен беше побарана асистенција од наша страна и веднаш е испратен тим од пет пожарникари-спасители со теренско возило кои заедно со екипата на Брза помош дојдоа до местото на несреќата и го стабилизираа и транспортираа повреденото лице до Медицински Центар Струмица“ – соопштија од ТППЕ Струмица.

ФОТО: ТППЕ Струмица