Синоќа во Хотел „Вила Парк“ во Струмица се одржа традиционалната Ловечка вечер во организација на Ловното друштво „Беласица“ од Струмица, со која беше означен крајот на ловната сезона.
На ловџиите им се обрати претседателот на ЛД „Беласица“, Марјан Даскаловски честитајќи им за успешно завршената ловна сезона, а на ова „ловџиска забава“, присуствуваше и струмичкиот градоначалник Костадин Костадиновски, покровител на забавата на ловџиите. Освен струмичките ловџии тука беа и ловџии од регионот, пријатели на ЛД „Беласица“ со кои имаат успешна соработка.
Традиционално, за сите гости на ова забава имаше и богата лотарија во која главните награди беа ловџиски пушки, телевизор, машина за перење алишта, фриждер… За добрата забава до раните утрински часови се погрижија Ирена Спасовска и „Фигаро Бенд“.
