Струмичанец крадел во Охрид, фатен „на лице место“

51-годишен струмичанец вчера бил приведен од охридската полиција откако е фатен „на лице место“ при извршување на кражба во продажен објект.

„На 18 ноември во Охрид, полициски службеници од СВР Охрид го лишиле од слобода Д.М.(51) од Струмица. Тој бил затекнат при извршување кражба во продажен објект, при што одзел повеќе предмети. Одземеното било вратено на сопственикот, а лицето било приведено во Полициска станица. По целосно документирање на случајот против него ќе биде поднесена соодветна пријава“, соопшти МВР.