Денеска во спортската сала на средното училиште „Димитар Влахов“ во Струмица се одржа Државното првенство во ФУТСАЛ за основните училишта на кое се натпреваруваа најдобрите екипи од регионалните натпреварувања во Македонија: ООУ „Ѓорѓија Пулески“ од Скопје – победници на Скопскиот регион, ООУ „Климент Охридски“ од Македонски Брод – победници на Западниот регион, ООУ „Димитар Влахов“ од Штип – победници на Источниот регион, како и претставниците на општина Струмица од ООУ „Св. Кирил и Методиј“ од Дабиле.
Државниот натпревар во ФУТСАЛ го отвори градоначалникот на Струмица, Костадин Костадинов посакувајќи им успех на младите вљубеници во спортот, со желба да понесат убави спомени од спортска Струмица, но и да станат побогати со нови пријателства.
По завршувањето на натпреварите за победник е прогласена екипата на ООУ „Св. Кирил и Методиј“ од Дабиле, која во финалната пресметка ја победија екипата на ООУ „Димитар Влахов“ од Штип со 5:1.
Организатор на Државното првенство е Федерацијата на училишен спорт на Македонија, а домаќин и соорганизатор беше Меѓуопштинскиот сојуз на училишен спорт – Струмица.
