„Струмица безбеден град“ – ќе се поставува видео надзор низ улиците на Струмица

Во Струмица следната 2025 година ќе се реализира проектот „Струмица безбеден град“ преку кој ќе се поставуваат камери за видео надзор низ улиците на Струмица, и ќе може полесно да се откриваат лица кои вандалски се однесуваат кон урбаната опрема, но и праваат прекршоци, а со системот ќе управува СВР Струмица.

„Јас сум благодарен што и СВР Струмица ја прифаќа таквата иницијатива, оти без усогласување на законската регулатива и без мониторинг врз самиот безбедносен систем, односно системот на камери не би ја постигнале суштината преку „сејфсити“ – кажа Костадинов, потенцирајќи дека во 2025 година низ целата Струмица ќе има камери со цел да се лоцира таа мала група на струмичани кои ја вандализираат Струмица, палат контејнери.

Проектот „Струмица безбеден град“ беше предложен од граѓаните на Форумот на заедницата и доби најмногу гласови, со што беше прворангиран како приоритет за реализација во 2025 година.