Столен медал од прв ред на Светиот македонски крст за градоначалникот и Советот на општина Струмица

Митрополитот струмички г. Наум и Викарниот Епископ Стобиски г. Јаков во предвечерието на празникот на Светите Петнаесет Тивериополски Свештеномаченици во Манастирот „Свети Леонтиј“ во Водоча организираа Свечена духовна академија на која пред бројниот верски народ, митрополитот захумско-херцеговачки г. Димитриј од Српската Православна Црква, Високопреосветените митрополити г. Дамаскин од Православната Црква на Грција, директорката на Комисијата за односи меѓу верските заедници, Оливера Трајковска, членови на Советот на општина Струмица, градоначалници од регионот, г. Јаков во името на Струмичката Епархија при Македонската Православна Црква – ОА на градоначалникот Костадин Костадинов и Советот на општина Струмица им додели Столен медал од прв ред на Светиот македонски крст.

На свеченоста, во преубавиот македонски средновековен православен христијански манастир во Водоча, беше изведена богата музичка програма.

Одбележувањето на Денот на заштитниците на градот Струмица – Светите Петнаесет Тивериополски Свештеномаченици продолжува денеска во 08:30 часот во црквата „Св. Петнаесет“ со Света Архиерејска литургија, а во 11:00 часот е закажана Свечена седница на Советот на општина Струмица, на која свое обраќање ќе има струмичкиот градоначалник, Костадин Костадинов. Традиционално ќе бидат доделени Годишни награди и Награда за животно дело за особен придонес во развојот на општина Струмица за 2024 година.