Сребро за одбојкарките на „Наковски Волеј“ во младинска конкуренција

Девојките на ОК „Наковски Волеј“ од Струмица го освоија второто место во младинска конкуренција откако на финалниот турнир во салата „Јане Сандански“ во Скопје, во финалето со пресврт и во пет сета 3:2 (22:25, 22:25, 25:20, 26:24, 15:8) изгубија од новиот шампион ОК „Јанта Волеј“ од Кисела Вода.

Струмичкиот тим имаше одличен старт на натпреварот, каде и покрај големиот отпор на тимот на „Јанта Волеј“ стигна до предност од 2:0 во сетови. Противникот се врати во третиот сет и намали на 2:1. Во четвртиот сет Наковски Волеј имаше водство од 21:19 и се чинеше дека работите одат во негова корист, но скопскиот состав не мислеше така. Изедначи на 21:21, а потоа не му дозволи на ривалот да ја искористи сет-меч топката на 23:24, туку се врати и со 26:24 го однесе натпреварот во тај-брејк. Одбојкарките на „Јанта Волеј“ во решавачкиот сет и предводени од капитенот Мери Бошковска со комплетен кам-бек стигнаа до шампионската титула кај младинките.

ФОТО: ОФМ