Сообраќајка меѓу трактор и мотор – мотоциклистот се здобил со тешки телесни повреди

Вчера утрото во 07:30 часот во Струмица на ул. „Климент Охридски“, на делницата од крстосницата со магистрален пат и бул. „Ленинова“ до крстосницата која води во Зона Север, се случила сообраќајна незгода помеѓу трактор „ИМТ-539“, управуван од В.А.(65) од село Баница, струмичко, и мотоцикл „Кимко“, управуван од К.М.(44) од Струмица. Во незгодата со тешки телесни повреди се здобил мотоциклистот, констатирани во болницата во Струмица. Извршен бил увид од увидна екипа од СВР Струмица.