21-годишната струмичанка Славица Ангелова продолжува во следниот круг на Балканското ТВ шоу „Ѕвездите на Гранд“, откако во баражот успеа да го освои продукциското жири предводено од Саша Поповиќ. Славица која работи со Џорџе Давид ги пееше песните „Круна“ од Невена Божовиќ и „Тек је 12 сати“ од ЕТ, при што доби четири гласа од жирито.
Цеца и Вики кажаа дека младата струмичанка била оштетена и требало да добие повеќе гласови со оглед на добрата интерпретација и моќниот вокал за други пак таа се изморила во првата песна.
„Мене навистина ме интересира зошто таа не беше за шест гласа, па по сите параметри Славица беше феноменална“, кажа Миљковиќ.
„Избра две претешки песни, иако ова е за Џоле. Сета сила ја потроши во првата песна и немој да се караш додека пееш, тоа е љубовна песна“, беше критична Марија Шерифовиќ. Сепак во баражот Славица Ангелова обезбеди пласман во четвртиот круг.
