Славица Ангелова по победата на „Ѕвездите на Гранд“ се враќа во родната Струмица, општината вечерва и организира свечен дочек

Вечерва околу 20:30 часот победничката на „Ѕвездите на Гранд“, 21-годишната струмичанка Славица Ангелова се враќа во својата родна Струмица. Општина Струмица и организира свечен дочек „кај чешмичката“, на влезот во големиот градски парк. Таму веќе е поставена бина каде ќе се организира славење за победата. Според најавите, со Славица доаѓа и нејзиниот ментор во оваа балканско натпреварување, Ѓорѓе Давид.

Славица беше единствената од Македонија која се пласира во финалето на „Ѕвездите на Гранд“ под менторство на Ѓорѓе Давид и освои 88.367 гласови на публиката од Србија, Босна и Херцеговина, Црна Гора и Македонија.