21-годишната струмичанка Славица Ангелова успеа вечерва да се пласира во супер финалето на едно од најпопуларните натпреварувачки ТВ шоу на балканот „Ѕвездите на Гранд“.
Славица вечерва во полуфиналето, под менторство на Ѓорѓе Давид се претстави со интерпретациите на песните „Пази се“ од филмот „Јужен ветар“ и „Ти“ од Александра Ковач, а во дуел со Ксенија Тану од Белорусија. Не успеа директно со гласовите на жирито да се пласира, но во „баражот“ таа се најде меѓу 17-те финалисти.
„Заслужено настапите беа различни и полни со енергија. Не можам да ги споредувам овие два настапи, но предност и давам на Ксенија – кажа Мили, а потоа збор доби менторот на Славица.
„Има луѓе кои не можат да го почувствуваат тоа што ти го правиш, кои не можат да ја оценат твојата пејачка маестралност. Бескрајно сум ти благодарен и одговорно тврдам дека насилството и енергијата се нешто што е многу потребно на сцената. Би сакал да се заблагодарам на жирито што ѝ ја прости грешката со текстот. Бескрајно ти благодарам, горд сум на тебе“ – и кажа Ѓорѓе Давид на Славица.
Славица Ангелова утре (сабота, 24 јуни) во супер финалето, кое во живо од 21:00 часот ќе се емитува на ТВ Сител, заедно со уште 16 кандидати, ќе се бори за да биде ѕвездата на Гранд за 2023 година и за наградата автомобил, нова песна и видео спот, а ќе зависи само од гласовите на публиката од Србија, Босна и Херцеговина, Црна Гора и Македонија. Досегашното жири овој пат не одлучува кој ќе биде победник, само публиката по пат на СМС гласање.
