Утрово екипа на комуналното претпријатие започнаа со сечење на дрво – јавор стар 36 години, кое сега се наоѓа на самата улицата што се уредува со реконструираниот порој на „Крушевска Република“ во Струмица. Дел од жителите кои живеат кај „Чурлински мост“ поставија автомобил пред самото дрво за да не може да се пристапи кон сечење. Велат нека ни го остават дрвото кое ни прави ладна сенка, а банкините нека ги извртат.
Од Општина Струмица велат дека дрвото мора да се сечи, бидејќи сега со изградбата на поројот и проширувањето на улицата истото не е безбедно за сообраќај, на асфалтна улица дрво.
„Истото тоа дрво го попречува асфалтирањето на улицата и реализацијата на целиот проект. Правевме обиди да се зачува, но не може, излегува на самата улица. Ја разбираме реакцијата на граѓаните, никој не сака да се сечи, но има реакција и од граѓани што сé уште не е завршена оваа улица“, велат од општината.
По разговорите со граѓаните од страна на стручни лица од ЈПКД „Комуналец“, се пристапи кон сечење на јаворот и целосно е отстрането за да се продолжи со реконструкција на улицата.
