Има само 17 години, од Струмица е, ученичката во Државното средно музичко училиште „Сергеј Михајлов“ во Штип, свири на пијано. Марина Пачоова – пијанистка во класата на професорот Славчо Величков. Основите за свирење на пијано ги стекнува во музичкото училиште „Боро Џони“ во класата на професорката Ленче Мазнејкова.
Синоќа во Центарот за култура во Струмица, Мартина го одржа својот прв солистички концерт, пред многу публика, љубители на класичната музика, пријатели, професори, соученици. Целиот простор исполнет со народ кој со внимание ги слушаа звуците на пијаното создавани од рацете на Мартина. Таа свиреше познати дела од Јохан Себастијан Бах, Лудвиг Ван Бетовен и Фридрих Шопен.
Мартина Пачоова има настапувано на значајни музички фестивали и концерти, на ЕПТА, организиран од Асоцијацијата на наставници по пијано, на Ерзамус фестивалот „Youth on board“ минатата година во Штип, „Ден на пијаното“ и многу други. Има освоено и бројни награди на државни и меѓународни натпревари, а е и редовен учесник на мастеркласови под раководство на врвни пијанисти од Јапонија, Италија, Србија, Словенија и Македонија. Добитник е на престижната награда „Најдобар ученик“ и „Ученик на генерацијата“ за 2021 година.
