Од Општинската организација на СДСМ во Струмица со реакција на вчерашното соопштение на ОК на ВМРО-ДПМНЕ Струмица.
„ВМРО-ДПМНЕ по принципот на преписки познат од минатото, со желба за сеење страв вчера излезе со празно соопштение за кое мисли дека ќе ги „храни” граѓаните со дневно политички поени.
Но, за волја на вистината, народот се прашува до каде е покачувањето на животниот стандард кај граѓаните, платите кај здравствените работници, платите во одбраната, платите во образованието!?
Продавајќи магла, заборавија да одговорат пред народот и оние кои им ја дадоа довербата, до каде е промената на името и дали „гордо“ работат во име на Република Северна Македонија!?
За оние кои нудеа „нови кадри“, а заборавија дека не сме 2006-та година!
Треба да дадете одговор пред вашите членови зошто изборот на вашите „нови“ кадри прави незадоволство кај нив?
Почитувани чинители во ВМРО-ДПМНЕ, воопшто да не се секирате за тоа како СДСМ функционира и ќе функционира, тоа ќе го цени народот во перидот кој следи, а секако ќе ги цени и сите скандали кои ги приредивте во неполни два месеци.
И за крај, не го оптеретувајте народот со празни соопштенија и деманти, седнете работете“ – велат од СДСМ Струмица.
