Промоција на четиријазична стихозбирка „Македонски погледи“ од Ернесто Ередеро дел Кампо и Марио Де Роза

За четврток, 27 јули во 19:00 часот во Градската библиотека „Благој Јанков Мучето“ во Струмица е закажана Промоција на четиријазичната стихозбирка „Македонски погледи“ на двајцата дипломати и пријатели на Македонија, Шпанецот Ернесто Ередеро дел Кампо и Италијанецот Марио Де Роза.

„И дипломатот и поетот ги притиска нешто во градите. А ако се тоа гради на една иста личност, тогаш веројатно притиска потешко“, напиша во предговорот кон книгата македонскиот дипломат Пајо Авировиќ.

Модератор на настанот е Гонца Запрова Атанасова, книгата ќе ја промовира Ѓорги Калајџиев, а стихови ќе чита Наташа Василевска Трајчевска.

Четврток, 27 јули | 19:00 часот | Библиотека „Благој Јанков Мучето“ Струмица