Претрес во Струмица, пронајден хероин, приведен дилер

Вчера во 18:30 часот во Струмица полициски службеници од Секторот за внатрешни работи Струмица го лишиле од слобода П.П. (39) од Струмица. При претрес во неговиот дом извршен со судска наредба биле пронајдени повеќе пакувања со хероин. Тој бил задржан во Полициска станица Струмица, а за настанот бил известен Јавен обвинител од Основното Јавно обвинителство Струмица, информираат од струмичката полиција.

По документирање на случајот против П.П. ќе биде поднесена соодветна пријава и во текот на денот ќе биде изведен пред Судија на претходна постапка од Основен суд Струмица.