И годинава, во пресрет на Денот на сесловенските просветители, Светите браќа Кирил и Методиј, Општина Струмица на Свечената Академија која се одржа синоќа во Центарот за култура „Антон Панов“, додели Плакети и Признание на најдобрите наставници и професори во основните и средните училишта, како и на воспитувачи во детските градинки во општина Струмица.
Признание и Плакета „Св. Кирил и Методиј“ добија: Цвета Булатовиќ – воспитувач во ЈОУ Детска градинка „Виножито“ Струмица, Славица Андреева – воспитувач во ЈОУ Детска градинка „Детска Радост“ Струмица, Марина Грозданова – наставник по солфеж во ООМУ „Боро Џони“ Струмица, Ратка Велкова – наставник по географија во ООУ „Гоце Делчев“ Вељуса, Слободанка Митева – наставник по ликовно во ООУ „Герас Цунев“ Просениково, Соња Бучовска – наставник по хемија во ООУ „Маршал Тито“ Муртино, Васе Велков – наставник по физика во ООУ „Св. Кирил и Методиј“ Дабиље, Ѓурѓица Грнчарова – наставник по италијански јазик во ООУ „Даме Груев“ Куклиш, Соња Цицимова – одделенски наставник во ООУ „Видое Подгорец“ Струмица, Мирјана Никовска – одделенски наставник во ООУ „Никола Вапцаров“ Струмица, Виолета Василева – наставник по хемија во ООУ „Сандо Масев“ Струмица, Љубинка Цветанова – одделенски наставник во ООУ „Маршал Тито“ Струмица, Љупка Галазка Василев – професор по ликовно во СОУ „Димитар Влахов“, Славица Милева Ефтимова – професор по информатика во СОУ „Јане Сандански“ и Зоран Петков – професор по стручни машински предмети во ДСУ „Никола Карев“ Струмица.
Плакетити им ги врачи градоначалникот на општина Струмица, Костадин Костадинов кој обраќајки им се на просветните работници кажа дека тие се носители на светлината, оние кои го пренесуваат знаењето, ги обликуваат младите умови и ги инспирираат идните генерации.
„Вие сте столбот на нашето образование и силата која ја движи нашата нација напред. Секогаш ја имавте и ќе ја имате мојата апсолутна поддршка преку создавање квалитетни услови за изведување на воспитно-образовниот процес и мотивирање како што се и вечерашните награди“ – кажа градоначалникот Костадинов.
