Патувачкиот караван на УСАИД по повод 30 години партнерство со Македонија беше во Струмица

Патувачкиот караван на УСАИД по повод 30 години партнерство со Македонија, кој одржува културни настани во повеќе градови во државата – „Инспирирај се за иднината“, денеска беше во Струмица, во Центарот за култура „Антон Панов“.
На настанот беа презентирани активности предводени од млади луѓе, ученици, наставници, уметници, претриемачи и други професионалци кои се вклучени во различни програми на УСАИД и јаснo ги манифестираа резултатите од долгогодишнитa работа, а со цел да се создаде средина во која секој ќе може да го оствари својот целосен потенцијал.
За јубилејот, за 30-годишното партнерство говореше Џери Дајбл од канцеларијата на УСАИД во Македонија, која истакна дека во изминатите 30 години, американската Влада, преку УСАИД обезбеди повеќе од 840 милиони долари за развојна помош во Македонија.
„Ја зајакнавме економската конкурентност, помогнавме да се отворат работни места и го зајакнавме претприемништвото и започнувањето бизнис. Ја промовиравме енергетската ефикасност, ја намаливме потрошувачката на енергија и помогнавме да се креираат политики за усогласување со регулативите на ЕУ. Го зајакнавме образовниот систем од основното, па се до универзитетското обрзование. Всушност, веројатно најголемиот дел од населението во оваа земја имало некаков контакт со УСАИД преку образовниот систем“ – кажа Дејбл.
Публиката на настанот во Струмица имаше можност да го проследи возбудливиот и интересен мотивациски говор на струмичанката Стела Пијанманова Стојаноска, „Партнерството е сила – создаваме подобра иднина“, која уште од 2000-та година соработува со УСАИД и преку учеството во многу проекти посетила 50-тина градови во 28 земји низ светот. Таа на младите има кажа никогаш да не се откажуваат, секогаш да веруваат во себе, да веруваат дека ќе успеат, да веруваат во сето тоа што си го поставиле како цел, како сон за животот. Нејзинот животно мото е „Стани порано и зграпчи го денот“.
Пред струмичани беа презентирани авангардните креации на средношколците од СОУ „Никола Карев“ од Струмица, кои беа направени од рециклирани материјали под менторство на младата и истакната дизајнерка Ирина Тошева, а изложени од средношколците од гимназијата „Јане Сандански“. Во фоајето на Центарот за култура еше поставена изложбата на фотографии, а мал концерт имаше студентскиот џез-бенд при Музичката академија на Универзитетот „Гоце Делчев“ од Штип.
Како дел од одбележувањето на оваа 30-годишнина, УСАИД во соработка со општините, им овозможуваат на истакнати млади уметници заедно со учениците од средните училишта да креираат серија од осум мурали на темата „Партнерство за подобра иднина“, нацртани на видливи места во градовите каде што патува карванот. Во Струмица ваков мурал направи Сања Симоска, на ѕидот од ученичкиот дом на СОУ „Димитар Влахов“, спроти ТЦ „Глобал“.
ФОТОГАЛЕРИЈА