Новиот проект на македонската фудбалска легенда Горан Пандев и италијанска „Брера“, синоќа во центарот на светската финансиска моќ во Њујорк го имаа огненото крштевање на берзата Насдак. Со промоцијата на компанијата „Брера Холдинг“ и почетокот на продажбата на акциите, проектот треба да изгради цела мрежа од клубови во Источна Европа, со главна станица – Струмица, објави спортскиот портал „Спорт1“.
Пандев беше во Њујорк како дел од Бордот на „Брера Холдинг“, акциите првпат се појавија на берзата со почетна цена од 2,35 долари, која во еден момент достигна и 2,95 долари, а на затворање на првиот ден акциите застанаа на 2,52 долари. „Брера“ собра речиси 8 милиони „зелени банкноти“ на јавната понуда за проектот, во која како промотор учествуваше и еден од познатите милијардери Крис Гарденер, човекот кој од бездомник дојде до богатство и за него има снимено филм во Холивуд, пишува „Спорт1“.
Целиот текст на: www.sport1.mk
