ОФМ ги изрече казните по инцидентните настани пред натпреварот меѓу „Наковски Волеј“ и „Јанта Волеј“ во Струмица

Одбојкарската Федерација на Македонија ги изрече казните по инцидентните настани пред саботниот натпревар меѓу ОК „Наковски Волеј“ и ОК „Јанта Волеј“ во полуфиналето од разигрувањето во женскиот одбојкарски шампионат на Македонија што се одржа на 8 април во Струмица.

„За грешки од организациска природа и физички напад кон службени лица од неслужбено лице, ОК „Наковски Волеј“ ќе плати вкупна казна од 66.000 денари, тренерот Хари Наковски 30.000 денари, а клубот ќе игра на терен оддалечен најмалку 50 километри од првично пријавениот доколку се пласира во финалето од разигрувањето. Со 15.000 денари е санкционирана одбојкарката на ОК „Јанта Волеј“, Ана Фасулева поради непримерно и неспортско однесување“ – стои во соопштението на ОФМ.