Општината Ново Село ја одбележа 26-годишнината од своето основање

Општина Ново Село денеска го одбележа Денот на општината, 12-ти Декември, 26 години од формирањето на локалната самоуправа.

На Свечената седница на Советот на општината свое обраќање имаше градоначалникот на општина Ново Село, Ѓорѓе Божинов, кој во рамките на одбележувањето на Денот на општината, тој им додели плакети на најуспешни граѓани од општината од неколку области, кои во текот на изминатата година преку својата работа и постигнатите резултати придонеле за промоција и афирмација на општина Ново Село во државата, но и надвор од неа.

На Александар Шопов, за развој и негување на традицијата и фолклорот во општина Ново Село, на Миле Ѓорѓиев, за придонес во развојот на спортот кај младите во општината и на Климент Младенов, за најмногу дарувани единици крв на територија на општина Ново Село.

Плакети за литературна и ликовна творба на тема „12 Декември – Изгревот на општина Ново Село“ беа доделени на: Јована Стојанова од ООУ „Мануш Турновски“ за литературна творба, Милена Стоилова од истото училиште за ликовна творба, Трајче Бансколиев од ООУ „Видое Подгорец“ за литературна творба и Славица Ѓорѓиева од истото училиште за ликовна творба.