Одржан состанок со стопанственици од струмичко во врска со настанатите проблеми при реконструкција на патот Струмица – Дабиле

Од Јавното претпријатие за државни патишта информираат дека директорот Коце Трајановски, заедно со негов тим одржал состанок со стопанственици од Струмица и струмичко во врска со настанатите проблеми во тек на реализација на проектот за реконструкција на државниот пат А4, делница Струмица – Дабиле, за изнаоѓање решение и за нивно надминување.

На состанокот присуствувале и градоначалникот на Струмица Костадин Костадинов, професорите на Универзитетот „Гоце Делчев“ Штип, ректорот проф. д-р Дејан Мираковски и проф. д-р Дарко Лазаров, како и проектантите, изведувачите и надзорот над проектот.

На средбата се акцентирал проблемот со влезови и излези кон постоечките објекти долж трасата, како и барањето за пристап кон кампусот на Универзитетот „Гоце Делчев” во Струмица.

„ЈП за државни патишта е со став да се запазат сите законски прописи, да се минимализираат проблемите и во согласност со МВР да се изнајде решение и да се изврши технички прием на објектот. Градоначалникот на општина Струмица Костадинов изрази благодарност до ЈПДП за решителноста да се најде решение“ – стои во соопштението на Јавното претпријатие за државни патишта.