„Одвреме навреме“ со Александра Јанева – нова песна со видео запис

Струмичанката Александра Јаневи сними нов сингл и видео-запис насловен „Одвреме навреме“. Музиката и аранжманот се дело на Лазар Цветкоски, долгогодишниот соработник на Јанева, а зад текстот се потпишуваат двајцата заедно.

„Ова е првото видео кое го снимив сама, со телефон и gimbal. Непосредно пред да заминам на патување ја поставивме песната во студио и не можев да престанам да ја слушам! Па си реков, зошто да не ја снимам мојата најсвежа реакција во преубавата Италија. Се надевам дека ќе ви се допадне“, вели Александра.

Видеото е снимано во италијанската покраина Апулија, на местата Бари, Чистернино, Полигнано а Маре. За едитинг и колор корекција се погрижи Горан Симјановски.