Одбојкарот Никола Ѓоргиев – Најпопуларен спортист за 2023 на „Златна Бубамара на популарноста“

На синоќешната Манифестација „Златна Бубамара на популарноста“ која се одржа по 27-ми пат во Спортскиот центар „Борис Трајковски“ во Скопје, македонскиот одбојкарски репрезентативец, Никола Ѓоргиев од Струмица е прогласен за „Најпопуларен спортист за 2023 година“, а неговата екипа, Одбојкарската репрезентација на Македонија е прогласена за најпопуларен „Спортски успех за 2023 година“.

Струмичанецот Никола Ѓоргиев моментално е дел од словенечката екипа „АЦХ Волеј“ од Љубљана. Пред Словенија играше во турски Инегол, за Фридрисхафен од Германија, а исто така беше дел и од Раднички (Србија), Форли (Италија), Мили Пјанго (Турција), Париз (Франција), Торај и Осака (Јапонија), како и Онико Варшава (Полска).