Одбојкари од „Akademia Talentów Jastrzębski Węgiel“ од Полска во посета на ОК „Струмица Никоб“

После посетата во Полска на претставници на ОК „Струмица Никоб“ и склучениот Меморандум за соработка и поддршка од полскиот гигант „Jastrzębski Węgiel“, одбојкарските таленти од Полска од денеска ќе престојуваат во Струмица.

„Како што беше предвидено и во меморандумот, посетата вклучува програма за работа со млади категории, размена на тренери, искуства и супервизија. Утре започнуваме со натпревари во младинска категорија во 18:30 часот во Спортска сала „Парк“ во Струмица. Ова е историски момент за одбојката во Струмица, но и Македонија“, велат од ОК „Струмица Никоб“.

ОК „Струмица Никоб“ заедно со „Akademia Talentów Jastrzębski Węgiel“ ќе работат на размена на играчи, организирање на тренинг кампови и споделување на искуства во однос на тренинзите. Се што е поврзано со развојот на одбојката и кај нас и во Полска е ќе биде дел од оваа меѓусебна соработка, додаваат од струмичкиот одбојкарски клуб.