Одбојкарите на Македонија со победа во Струмица против Косово

Контролните натпревари и серијата исцрпувачки тенинзи во Маврово, Скопје и во Струмица, на Македонија и донесоа сигурна игра против Косово за победа од 3:0 во првата пречка на 48-то издание на традиционалниот меѓународен одбојкарски турнир „Бранко Хаџииљоски Чајка“, во спортската сала „Парк“ во Струмица.

Македонија првиот сет го доби со 25:12, во вториот одигра перфектно за 25:7, а во третиот победата ја потврди со 25:19.

Капитенот Никола Ѓоргиев натпреварот го заврши со 12 поени од кои 11 од напад, Александар Љафтов имаше девет поени, нашиот техничар, Ѓорѓи Ѓоргиев, запиша седум поени, од кои два на сервис. По пет поени реализираа Владо Милев и Филип Савовски, а четири имаше Стојан Илиев.

Во сабота, Македонија ќе игра против Израел, додека утре ќе се соочат Израел и Косово.

Македонската машка одбојкарска репрезентација овие натпревари ги користи како завршен филтер и подготовка пред заминувањето за Тбилиси, каде што ќе игра против Грузија во воведното коло од евроквалификациите за пласман на континенталниот собир во 2026 година.