Објавен конкурсот за 26-от Меѓународен Фестивал на карикатура и афоризам „Струмица 2025″

Центарот за култура „Антон Панов“ од Струмица го објави конкурсот за 26-от Меѓународен Фестивал на карикатура и афоризам „Струмица 2025″, кој се одржува во рамки на Интернационалниот Струмички карневал, на тема „Карневал-еротика”.

Според пропозициите на конкурсот за карикатура, секој автор може да учествува најмногу со 3 карикатури работени во техника по избор на авторот, со димензии А4, а на секоја карикатура треба да има податоци за авторот на задната страница.

Во категоријата за афоризам секој автор може да учествува најмногу со 10 афоризми отпечатени во 3 примероци со шифра и со податоци за авторот во затворен плик. Учесниците можат да учествуваат со повеќе трудови од десет афоризми со посебна шифра за секој труд.

Афористичарите и карикатуристите своите дела треба да ги испратат најдоцна до 20 февруари 2025 година, а жири комисијата ќе додели златна, сребрена и бронзена плакета со право на жирито да одреди дополнителен број награди.

Наградите ќе се доделат на Чист понеделник (3 март 2025 година), кога ќе биде организирана изложба и презентација на наградените дела, во рамките на „Струмичкиот карневал“, кој ќе се одржува од 26 февруари до 5 март.

Делата може да се испраќат на адреса:

НУ Центар за култура „Антон Панов“

Плоштад „Гоце Делчев“ бб.

2400 Струмица

Со назнака: За конкурсот – афоризам и карикатура

Контакт: +389 70 291 544

Е-маил: [email protected]