![almak](https://strumicanet.com/wp-content/uploads/2023/09/Almak10_2023.jpg")
По збратимувањето на општините Василево, Македонија и Понтенуре, Италија во мај годинава, на 16-ти септември за прв пат ќе се организира манифестацијата „Македонски ден“, ова го најави градоначалникот на општина Василево, Славе Андонов.
„Нашата идеја е заедно двете општини со Здружението „Македонски корени” да организираме една ваква манифестација каде заедно ќе ја славиме традицијата, културата, фолклорот на двете збратимени општини. И покрај далечината ние успеавме да се почитуваме, да одржуваме постојана комуникација и да придонесуваме во приближувањето на двете општини, градејќи цврсти мостови на пријателство и соработка. На манифестацијата во Понтенуре ќе настапи нашиот културен амбасадор КУД „Сушевски Бисери” од Сушево“, напиша на Фејсбук градоначалникот Андонов.
