На 11 јуни промоцијата на книгата „Аџилак“ од Ирена Бабамова Стојчева

На 11 јуни (вторник) од 18:00 часот во Центарот за култура „Антон Панов“ во Струмица ќе биде промовирана новата збирка со поезија на струмичанката Ирена Бабамова Стојчева во издание на Издавачката куќа „Макавеј”. Промотори на книгата ќе бидат: Бранко Цветкоски – поет, литературен критичар, есеист, преведувач, публицист, Ацо Гогов – писател, драматург, книжевен и театарски критичар и Ѓорѓи Калајџиев – новинар, водител, поет, текстописец.

„Ирена Бабамова Стојчева со оваа книга самоуверено и стабилно влегува во разбрануваните збиднувања во генерациски младиот, но веќе зрел и квалитетно вграден корпус на поетски придонеси во современата македонска поезија. Посебно, во генерацијата поетеси и поети родени во седумдесеттите и осумдесеттите години на минатиот век“, потенцира во издавачката препорака кон книгата поетот и литературен критичар, Бранко Цветкоски.