Денеска во кабинетот на градоначалникот на општина Струмица, Костадин Костадинов беа младите спортисти, членови на струмичките клубови „Шихан“ и „Цареви кули“, кои изминатата недела усвоија повеќе медали.
Спортистите од Карате клубот „Шихан“ кои освоија 4 златни и 6 бронзени медали на 21-от Светски традиционален карате шампионат и првиот ИТКФ Светски куп „Хидетака Нишијама“ за деца-каратисти и членовите на Шаховскиот клуб „Цареви кули“ кои го освоија второто место на „Екипното првенство на Македонија за млади 2022” во групата на деца до 8-годишна возраст.
Градоначалникот Костадинов им го честита успехот на младите, разговарале за натпреварите и силната конкуренција, посакувајќи им да продолжат со големите успеси, а сите нивни натпревари како и досега ќе бидат поддржани од Општина Струмица.
„Се гордеам со младите спортисти на Струмица. Тие се нашите промотори и продолжувачи на долгата и успешна спортска традиција“, кажа струмичкиот градоначалник.
