Младата пијанистка Сара Витанова последна парична награда за освоено прво место ја донира во Фондација „Елеуса“

Младата и успешна пијанистка Сара Витанова од Струмица, која е добитник на многу награди, одлучи нејзината последна парична награда за освоеното прво место да ја донира во Фондација „Елеуса“ за помош на сите оние луѓе за кои се грижи секојдневно тимот на Елеуса, информираат од Фондацијата.
Денеска младата пијанистка Сара, заедно со градоначалникот на општина Струмица, Костадин Костадинов, го посетија Викарниот епископ Стобиски г. Јаков и му ја подарија наградата за хуманитарни цели.
12-годишната Сара Витанова е ученик во Музичкото училиште „Боро Џони“ во Струмица, нижи интернационални успеси и достоинствено ја претставува Струмица и Македонија на светски натпревари и е пример за младите.