Локалниот совет за превенција ќе дебатира за бесправната сеча на дрва, дрвосечачките машини низ улиците, труењето на кучињата

Денеска во 12:00 часот Локалниот совет за превенција при општина Струмица ќе одржи работна седница на која ќе се расправа за бесправната сеча и трговијата на дрвја на подрачјето на општина Струмица, за дрвосечачките машини и нивното присуство на улиците и патиштата и за труење на кучиња во општина Струмица.

Со цел успешно справување со идентификуваните проблеми како и дискутирање на можните решенија во врска со предложените теми, на работната средба се очекува да присуствуваат и градоначалникот Костадин Костадинов, јавен обвинител од ОЈО Струмица, началникот на СВР Струмица, претставници од Шумската полиција и „Национални шуми“, претставници на локални невладини организации.