Културно уметничкото друштво „Браќа Минкови“ од Куклиш годинава слави голем јубилеј – половина век постоење, основан во далечната 1972 година. За својот јубилеј, во сабота, 17 Декември од 19:00 часот во хотелот „Сириус“, КУД „Браќа Минкови“ ќе организира свеченост со културно-уметничка програма на која според најавите ќе настапат актери од Македонскиот Народен театар од Скопје, младите играорци на ова друштво, а кореографии ќе изведат и ветраните на КУД „Браќа Минкови“. На свеченоста ќе биде промовирана и Монографијата издадена за 50-те години КУД „Браќа Минкови“.
Инаку, за празникот на Струмица, 11 Декември ова друштво од општината ја доби Годишната награда „Свети Петнаесет Тивериополски свештеномаченици“.
