Концерт на „Дуо гитари“ од Бугарија во Градската Уметничка галерија во Струмица

Вечерва (среда, 5 јуни) од 20:00 часот во рамките на „Strumica Classic International Festival 2024“, во Градската Уметничка галерија на плоштадот во Струмица ќе се одржи Концертот на „Дуо гитари“ во состав на две млади мизичарки од Бугарија, Цветелина Брешкова и Божидара Трохарова.

Цветелина Брешкова завршила средно образование, класична гитара, во НМУ „Љубомир Пипков“, во класата на д-р Столина Добрева. Студира и дипломира на националната академија за музика „Проф. Панчо Владигеров“, инструментален факултет, насока класична гитара. Магистрира на НБУ, насока инструментална педагогија, со стручна квалификација – инструментален педагог – класична гитара, во класата на д-р Столина Добрева. Од 2008 година е наставник по класична гитара и камерна музика.

Божидара Трохарова е родена во 1997 година во градот Силистра. Студиите по гитара ги започнала кај Христо Христов, а потоа студирал кај Валентин Бузов. Подоцна дипломирала и магистрирала на националната музичка академија „Проф. Панчо Владигеров“, насока класична гитара, во класата на доц. Росен Балкански. Настапува на разни концерти и фестивали во Бугарија.