„Комуналец“ постави 40 нови контењери за отпад во градот Струмица

Од ЈПКД „Комуналец“ информираат дека во градот Струмица се заменети оштетени контењери за отпад со нови. Станува збор за околу 40-тина нови метални контењери, а во текот на целата акција за замена на дотраените контењери се планира да бидат заменети околу 200 нови контењери за отпад.

Претходно, во текот на викендот струмичкото конунално претпријатие направи репарација, чистење, перење и дезинфекција на околу 350 метални контењери поставени на територијата на општина Струмица. Од ЈПКД „Комуналец“ велат дека многу од овие контењери, поради несовесно и неправилно користење од страна на граѓаните претставуваат грда слика на општината.

Апелираат до граѓаните да во металните контењери се фрла само отпад од домаќинствата, исклучиво во добро затворени пластични вреќи или кеси, да не се истураат разни течности и градежен отпад.

„ЈПКД „Комуналец“ непрекинато работи на чистење на градот, празнење на контењерите и нивно редовно одржување. Останува на на граѓаните правилно и совесно да ја користат урбаната опрема, да не ги уништуваат контењерите и кантите за отпад, да не го фрлат отпадот до контењерите, туку секој отпад кој го имаат да го пријават на 13-110 и со тоа да имаме почисти, поубави улици и места пред станбените објекти“ – стои во соопштението на „Комуналец“.