„Комуналец“ во недела почнува со „генералка“, ако имате отпад пријавете на 13 110 за да го подигнат од вашиот двор

Со цел за подобрување на јавната чистоќа ЈПКД „Комуналец“ Струмица започнува со акција за генерално чистење на Струмица.

Освен редовното собирање смет и метење на улиците, секоја недела ќе се врши и генерално чистење и собирање на смет и машинско перење на улиците.

Акцијата започнува во недела, 11 јуни во населбите Карпош и Чифлик во градот Струмица во која жителите од овие населби кои имаат било кој вид на отпад да го пријават на 13 110 и да го извадат пред дворовите во недела до 12:00 часот како би бил подигнат во текот на денот.

Акцијата ќе продолжи и наредните недели во месец јуни, а ќе биде опфатен целиот град.