Утре (вторник, 25 април) во 17:00 часот во Библиотеката „Благој Јанков Мучето“ во Струмица ќе се одржи поетско и прозно читање (книжевна средба).
„Библиотеката го организираше првиот литературен конкурс за необјавени творби за пролетта како будилник на природата, радоста, младоста, а со тоа и на љубовта. Пристигнаа творби од 17 автори од Скопје, Струмица и струмичкиот регион. Конкурсот беше наменет за средношколци, студенти, вработени, невработени и пензионери. Се планира творбите да бидат собрани во една книга што ќе биде издадена и објавена од нашата институција и ќе биде достапна и за пошироката јавност“, информираат од струмичката библиотека.
