Кај „Смоларската раскрсница“ струмичката полиција уапсила тројца штипјани, кај нив била пронајдена марихуана

Од СВР Струмица информираат дека денеска во 03:20 часот на место викано „Смоларска раскрсница“, струмичко полициски службеници ги лишиле од слобода М.Д.(34), И.С.(32) и М.П.(31), сите од Штип. При преглед на патничко возило „БМВ“ со штипски регистерски ознаки, управувано од М.Д., во кое сопатници биле другите две лица, била пронајдена марихуана. Тие биле задржани во Полициската станица Струмица и известен бил Јавен обвинител од Основното Јавно обвинителство Струмица. По документирање на случајот ќе биде поднесена соодветна пријава.