Марјан Даскаловски повторно ќе ги води струмичките социјалдемократи, откако Борче Цветков се повлече по заминувањето на функцијата пратеник во македонското Собрание.
Даскаловски во неколку мандати беше претседател на ОО на СДСМ Струмица и беше носител на неколку изборни победи. Паралелно тој ја извршува и функцијата претседател на Советот на општина Струмица. Довербата да ги води струмичките социјалдемократи Даскаловски ја доби од претседателот на партијата, Венко Филипче кој вечерва присуствуваше на традиционалниот предновогодишен коктел во Струмица.
Старо-новиот претседател Марјан Даскаловски вечерва најави обединување на социјалдемократите во Струмица по големиот пораз на последните избори, кога ја изгубија довербата на струмичани, но и поделеноста во своите редови за време на изборите.
ФОТОГАЛЕРИЈА од предновогодишната забава >>>
