И вечерва имаше карневал во Струмица – најдобрите маски и карневалисти си ги добија наградите

Маскирани луѓе дел од карневалските групи на Струмичкиот карневал и вечерва во знакот на карневалот, ноќта спроти Тримери, денот на армасаните девојки.

Наградени карневалисти беа на свеченото доделување на наградените маски од интернационалното карневалско дефиле, кое вечерва се одржа во НУЦК „Антон Панов“ во Струмица.

Наградените маски ги објави претседателот на жири комисијата, Хризантема Рендевска, а ги доделија Катерина Милушева и Елена Достинова од Организациониот одбор.

Задоволни од годинашното издание на Струмичкиот карневал се и организаторите и учесниците на карневалското дефиле, се разбира најмногу наградените, кои наградата ги поттикнува уште сега да започнат да размислуваат за идејната маска на следниот Струмички карневал во 2024-та година.

• Објавени наградените маски на Струмичкиот карневал

41 групни и поединечни маски со околу 1200 маскирани лица продефилирале во интернационалната поворка на Струмичкиот карневал.

Струмичкиот карневал 2023 завршува утре со одбележување на празникот Тримери. Во 12:00 часот во Центарот за култура „Антон Панов“ ќе се импровизира тримеркиот адет, а потоа карневалистите и ќе му го вратат клучот од градот на градоначалникот на Струмица, Костадин Костадинов.

ФОТОГАЛЕРИЈА од доделување на наградите >>>