Земјоделците од струмичките села Иловица и Штука со трактори и земјоделската механизација излегоа на протест и го блокираа локалниот пат и раскрсницата што води до овие две населени места. Незадоволни од ниската откупна цена на младиот компир од 15 денари за килограм што според нив не може да ги покрие ниту трошоците за производство.
Бараат најниската цеца по која треба да се откупува младиот компир да биде 25 денари. Се под таа цена за нив било чиста загуба.
Во знак на протест и незадоволство од моменталната состојба и ниските откупни цени земјоделците од Иловица и Штука од вчера имаат меѓусебен договор да не подигаат амбалажа од откупните пунктови и да не го предаваат родот. Освен производителите на компир незадовони од ниските откупни се и производителите на пролетна зелка. За ова пред десетина дена реагираше и претседателот на потсекторската група за градинарство кој побара интервенции од државата.
